Based on this YouTube video's total view count of 433K views and industry-standard rates, the estimated total earning is $303 - $866 through ad revenue. Historical data is not yet available to calculate daily, weekly, or monthly averages.

Explore اوكرانيا وروسيا with 433,181 views, 15,763 likes, and 661 comments. Experience the impact of this video content that has captured audience attention.

سنة 1966.. وخلال حرب فيتنام.. الجيش الأمريكى لقى نفسه مش قادر يواجه قوات الفيت مين.. اللى هى القوات الفيتناميه اللى بتحاربه فى فيتنام.. فحد من قادة الجيش الأمريكي اقترح انه يستهدف القوات الفيتنامية دى بالأسلحة النووية التكتيكية.. حضرتك تقولى معقول؟.. أمريكا كانت عاوزه تضرب فيتنام بالصواريخ النووية؟.. أقولك دى صواريخ نوويه أيوة لكن تكتيكية مش استراتيجيه.. وهشرحلك الفرق دلوقتى.. خلينى بس أكملك.. مين يعترض على الفكرة دى.. البنتاجون.. أو وزارة الدفاع الأمريكية.. ليه يا جماعه معترضين؟.. احنا بننضرب فى قلب فيتنام.. وسمعة الجيش الأمريكي بتتهان.. فكان الرد بسيط جدا ومقنع.. وهو انك صحيح بتمتلك سلاح نووى تكتيكى.. والهجمة الواحدة منه بتعادل 12 هجوم بالقصف الجوى العادى.. لكن فى نفس الوقت.. فى دول كبيرة بتدعم فيتنام زى الصين والاتحاد السوفيتى.. هما كمان عندهم سلاح نووى تكتيكى.. وبالتالى لو حاولت تستخدمه ضد فيتنام.. رد الفعل المتوقع هو ان الصين والاتحاد السوفيتى يزودوا القوات الفيتنامية بصواريخ نووية تكتيكية تضربك بيها.. وهنا هتكون كارثة.. ليه؟.. أولا لأن القوات الفيتنامية ملهاش مكان محدد.. دى عناصر مقاومة بيطلعوا من وسط الغابات يضربوا ضربتهم ويختفوا برده فى قلب الغابات.. يعنى علشان تضربهم محتاج مش أقل من 3 آلاف صاروخ نووى تكتيكى.. وفى النهاية برده مش هتوقعهم كلهم.. أما القوات الأمريكية فأماكن معسكراتها معروفة.. يعنى صاروخ نووى تكتيكى واحد يقدر يبيد معسكر كامل فى أقل من دقيقة.. بالبلدى كده هدف سهل.. مكانه معروف وواضح ومليان عساكر ومعدات.. الأخطر من كده ان القوات الفيتنامية دى مش قوات نظامية.. مش جيش دولة.. لا ليه كبير ولا بتحكمه قوانين.. يعنى ممكن لو وقعت في اديهم الصواريخ النووية التكتيكية دى.. يضربوا منها شوية ويبيعوا الباقى فى سوق السلاح.. وفجأة العالم كله يبقى مهدد بالسلاح النووى للى يدفع أكتر.. باختصار هتبقى كارثة على العالم كله.. وفعلا.. انتهى الموضوع برفض فكرة ضرب فيتنام بالصواريخ النووية حتى ولو كانت تكتيكية.. طيب احنا ليه حكينا القصة دى؟.. لأن من كام يوم حصلت 3 أحداث ورا بعض يخوفوا.. يخوفوا بجد مش هزار.. وخلينى أحكيلك.. أول حاجه حصلت هى ان قوات أوكرانية.. استهدفت سفينة حربية تابعة للأسطول الروسي فى البحر الاسود اسمها موسكافا.. خصوصا لما تعرف ان السفينة البحرية اللى انضربت دى.. واللى اسمها موسكافا.. تانى أكبر سفينة بحرية فى الأسطول الروسي تنضرب من أيام الحرب العالمية التانية.. ده غير انها كانت مركز قيادة الأسطول البحري الروسي فى البحر الاسود.. ده غير تاريخها فى تأمين العمليات العسكرية الروسية عندنا هنا فى سواحل سوريا.. يعنى السفينة دى بالنسبة للجيش الروسي رمز أكتر من كونها مجرد قطعة بحرية.. انت عندك حق.. سفينة غرقت.. روسيا عندها غيرها.. وحتى لو معندهاش.. روسيا أصلا خلاص دخلت أوكرانيا وسيطرت على الشرق والجنوب.. وكل يوم الصبح بتضرب العاصمة كييف بالطيران.. لكن برده زى ما قولتلك ضرب السفينة دى تحديدا كأنك بالظبط ضربت بوتين بالقلم على وشه.. صحيح معورتوش.. لكن جرحت كرامته.. كسرته.. لذلك كان الرد الروسي هو انهم طلعوا مذيعة فى التليفزيون الرسمى قالت جمله واحدة.. صباح الخير.. يعلن الجيش الروسي عن بدء الحرب العالمية التالتة.. بس كده.. الحرب العالمية التالتة بدأت يا بنى ادمين.. يخلص الموضوع هنا؟.. الإجابة طبعا لأ.. ده كده ابتدا.. لأن بعدها تطلع المخابرات الأمريكية تقول معلش يا جماعه.. احنا عندنا خبر ممكن يزعلكم شويه.. ما هو هذا الخبر؟.. روسيا ناويه تضرب أوكرانيا بأسلحة نووية تكتيكية.. وطبعا خلاص أنا شرحتلك يعنى دولة تستخدم أسلحة نووية تكتيكية.. مش ده الخطير.. الخطير ان فعلا 4 قاذفات نووية روسية نفذت طلعة جوية على الحدود ما بين روسيا وأوكرانيا.. ده غير ان روسيا بدأت فعليا تبنى ملاجئ للمواطنين علشان تحميهم من هجمات نووية محتملة.. اللى هو فعلا محدش فعلا عارف بوتن بيفكر فى ايه؟.. حتى وزارة الدفاع الروسية نفسها مأعلنتش عن سبب الطلعة الجوية بالقاذفات دى.. اللى هو طيب حضرتك قولى بس انت ناوى على ايه؟.. لكن محدش قال حاجه.. الأخطر من كل اللى فات.. ان روسيا بعد ما السفينة الحربية موسكافا انضربت.. طلعت نفذت 5 غارات جوية على مدينة اسمها لفيف.. حضرتك تقولى طيب وايه الخطير فى كده؟.. ما هى بتضرب أوكرانيا كلها اشمعنا المدينة دى اللى وقفت عندها.. أقولك لأن القصف الجوى ده على بعد 40 ميل بس من بولندا.. وبولندا دى فيها ايه؟.. فيها قوات لحلف الناتو.. وفيها الدرع الصاروخى الأمريكي.. بس كده.. شكرا.. الدرع الصاروخى الأمريكي موجود فى دولتين.. بولندا ورومانيا.. وقوات حلف الناتو منتشرة فى بولندا ورومانيا واستونيا ولاتفيا وليتوانيا وسلوفاكيا والمجر وبلغاريا.. يعنى النهاردة انت بتضرب صواريخ على بعد 40 ميل بس من قوات حلف الناتو والدرع الصاروخى الأمريكي.. وفى قاذفات نووية طايره على الحدود الأوكرانية.. والرئيس الأوكراني بيصرخ وبيقول أوروبا وأمريكا باعونى.. والمخابرات الأمريكية بتقول ان بوتن ناوى يستخدم سلاح نوىى تكتيكى.. وفى دول وسط كل اللى بيحصل ده تقريبا أعلنت افلاسها.. لبنان بتبيع بنوكها.. تونس أوشكت على الافلاس وفى موظفين واجهوا مشاكل فى قبض مرتباتهم.. لدرجة ان فى احصائيات بدأت تظهر عن تقسيم ديون تونس على المواطنين.. نصيب كل مواطن تونسي من الديون الخارجية فى حدود 8 آلاف دينار.. اللى هو تقريبا ألفين ونص دولار.. سريلانكا أعلنت رسميا انها مش قادرة تسدد ديونها.. وغيرهم كتير من الدول اللى بتواجه أزمة حقيقية فى ارتفاع الأسعار والتضخم.. المصادر https://bit.ly/3Op4ZaL https://bit.ly/3rEzYpK https://bit.ly/3uY21Td https://bit.ly/3jWR6D0 https://bit.ly/3KYZVbl https://bit.ly/38559n0 #المواطن_سعيد #اوكرانيا_وروسيا

With SocialCounts.org’s view counter, track your YouTube video’s live view count and YouTube likes count in real time with fast, reliable updates.

Watch every YouTube video live view count rise with our real-time YouTube views tracker—built for accuracy and minimal delay.

Follow YouTube real time views as they happen, using our dedicated view counter for YouTube videos.

Get up-to-date live view count on YouTube and see real-time growth with SocialCounts.org’s smart tracking tools.