Based on this YouTube video's total view count of 823K views and industry-standard rates, the estimated total earning is $576 - $1.64K through ad revenue. Historical data is not yet available to calculate daily, weekly, or monthly averages.

Explore فرنسا تغادر الاتحاد الأوروبي with 823,095 views, 23,621 likes, and 1,161 comments. Experience the impact of this video content that has captured audience attention.

بمجرد ما قامت الحرب بين روسيا واوكرانيا.. الدنيا اتقسمت نصين.. نص قال ان اوكرانيا هتنهزم قدام الجيوش الروسية.. والنص التانى قال ان الاتحاد الأوروبى مستحيل يتخلى عن أوكرانيا.. تقوم تحصل المفاجأة امتى سيدى المواطن؟.. لما تعرف ان خطة بوتن كانت أبعد من أوكرانيا بكتير.. اوكرانيا كانت مجرد طعم علشان يصطاد بيه الاتحاد الأوروبى كله.. خطة بوتين اللى الأيام بتكشفهالنا النهاردة.. هى انه يفكك الاتحاد الأوروبى نفسه.. مش بس احتلال أوكرانيا.. حضرتك تقولى معقول الكلام ده؟.. أقولك تعالا أحكيلك.. الفترة اللى فاتت بدأت تزيد مطالب الشعب الفرنسي بالخروج من الاتحاد الأوروبى.. وكان أهم المطالبين بده واحده اسمها ماريان لوبان اللى كانت بتخوض الانتخابات الرئاسية قدام الرئيس الفرنسي ماكرون.. وخليك فاكر الست دى كويس لأنها حبيبة الرئيس الروسي بوتن.. فتخيل حبيبة بوتن دى هتبقى رئيسة فرنسا.. هحكيلك قصتها كمان شوية.. المهم مطالب فرنسا بالخروج من الاتحاد الأوروبى بدأت تزيد بعد ما بريطانيا نفسها خرجت منه.. حضرتك تقولى طيب ليه الشعب الفرنسي عاوز يخرج من الاتحاد الأوروبى.. هقولك.. لكن خليك فاكر الأول ان أكبر 3 دول فى الاتحاد الأوروبى هم بريطانيا وفرنسا وألمانيا.. بريطانيا خرجت.. وفرنسا عاوزه تخرج.. يتبقى مين؟.. ألمانيا.. اللى غالبا هى كمان هتخرج منه وهقولك ليه كمان شويه.. خلينا دلوقتى فى فرنسا.. الشعب الأوروبى كله فى اللحظة اللى بكلمك فيها دلوقتى.. هو اللى بيدفع فاتورة الحرب ما بين روسيا واوكرانيا.. سواء فى ارتفاع أسعار الوقود.. أو ارتفاع اسعار المواد الغذائية.. او اختفاء مواد غذائية كامله.. مبقتش موجودة أصلا فى المحلات حتى بالسعر العالى.. ده غير حالة الكساد الاقتصادى اللى نتجت برده عن الحرب وكانت نتيجتها ارتفاع معدلات البطالة وارتفاع معدلات التضخم.. بالبلدى كده الشعب الأوروبى عايش حياه صعبه.. فالأول لما كانت شعوب الاتحاد الأوروبى تمر بحالات اقتصادية صعبه زى دى كانت بتجرى على فين؟.. على بريطانيا.. باعتبارها عضو فى الاتحاد الأوروبى.. ده غير انها بتوفر لشعبها أعلى معدلات الضمان الاجتماعى.. وفضل الحال كما هو عليه لحد ما بريطانيا زهقت.. وبدأ المواطن البريطاني نفسه يحس ان المواطن الأوروبى بيقاسمه فى لقمته.. انت ايه اللى جايبك هنا؟.. فيرد عليه المواطن الأوروبى ويقوله ايه عم فى ايه؟.. هو احنا مش زملا فى اتحاد أوروبى واحد؟.. بريطانيا دى بلدى زى ما هى بلدك بالظبط.. انا ليا فيها زى ما انت ليك فيها.. ده غير ان بريطانيا سيدى المواطن.. ودى معلومة على جنب كده.. كانت بتدفع كل سنه مبالغ ماليه لخزينة الاتحاد الأوروبى مقابل الانضمام للاتحاد الأوروبى.. كل دولة من الدول الأعضاء فى الاتحاد الأوروبى بتدفع مبلغ سنوى ياخده الاتحاد الأوروبى علشان يعيد توزيعه على باقى دول الاتحاد اللى وضعها المادى مش كويس.. وكل ما كان وضع الدولة كويس كل ما تدفع أكتر من باقى الدول اللى معاها فى الاتحاد.. ليه؟.. لأن وضعها الاقتصادى أحسن من غيرها.. فلازم تدفع اكتر علشان نساعد الدول اللى اقتصادها ضعيف.. هو احنا مش دول أعضاء مع بعض؟.. بنساعد بعض؟.. امال فايدة الاتحاد ايه؟.. وبالتالى بريطانيا كانت من أكتر الدول اللى بتدفع.. لأن اقتصادها قوى.. وهنا الشعب البريطانى حس انه بيتسرق.. فما كان منه إلا إنه ضغط على حكومته لحد ما عملت استفتاء على الاستمرار فى الاتحاد الأوروبى من عدمه.. وتكون نتيجة الاستفتاء ان الشعب البريطاني مش عايز يستمر فى الاتحاد.. وتخرج بريطانيا.. نفس السيناريو بيتكرر دلوقتى مع مين؟.. مع فرنسا.. حد من حضراتكم يقولى بس يا أبوحميد اللى أنا اعرفه ان رغبة فرنسا فى الخروج من الاتحاد الأوروبى قديمه.. أقدم من حرب روسيا وأوكرانيا بكتير.. أقولك انت صح.. سنة 2015 أعلنت ماريان لوبان.. زعيمة حزب التجمع الوطني.. ده حزب سياسي يمينى متطرف فى فرنسا.. ان توجهها واضح وصريح وهو الخروج من الاتحاد الأوروبى.. حضرتك تقولى يعنى ايه توجهها واضح وصريح.. دى مجرد رئيسة حزب.. يعنى كلامها ميمشيش على رئيس فرنسا.. أقولك سيدى المواطن اهدأ.. ماريان لوبان دى هى اللى خاضت الانتخابات الرئاسية قدام ماكرون سنة 2017.. وهى برده اللى خاضتها قدامه فى ابريل 2022.. حضرتك تقولى طيب يعنى خسرت الانتخابات قدام ماكرون مرتين.. معنى كده انها ضعيفه.. أقولك هى صحيح خسرت الانتخابات.. لكن فى تفصيله صغيره غايبه عنك.. ماكرون كسب فى انتخابات الرئاسة سنة 2017.. بنسبة 66%.. ودى نسبة مش كبيرة كبيرة خالص.. وتوضحلك ان ماريان لوبان هى كمان شعبيتها كبيرة.. خصوصا لما تقارن نسبة الفوز دى.. اللى هى 66%.. بنسبة فوز الرئيس الفرنسي جاك شيراك سنة 2002 لما فاز بنسبة 82%.. دى تقدر تقول عليها نسبة كبيرة.. تقدر تقول عليها اكتساح كمان لو حبيت.. المشكلة الأكبر بالنسبة لماكرون.. هى انه لما دخل انتخابات الرئاسة لتانى مرة قدام ماريان لوبان سنة 2022.. كسب بنسبة 58% بس.. اللى هى نص الأصوات تقريبا.. يعنى بعد ما كان معاه 66% من الشعب الفرنسي.. دلوقتى معاه 58% منهم بس.. وده إشارة مهمه بإن عدد مؤيدين استمرار ماكرون فى الحكم بيقل.. حضرتك تقولى حتى ده مش مهم.. انت مش بتقول انه فاز فى انتخابات الرئاسة.. يعنى لسه قدامه 5 سنين فى الحكم.. يا مين يعيش!.. المصادر https://bit.ly/3RXFrDp https://bit.ly/3J4CywU https://bit.ly/3PRLSX6 https://bit.ly/3z2dx0r https://bit.ly/3z33FDQ https://bit.ly/3yYoRe6 https://bit.ly/3BdYun2 https://bit.ly/3BdjSJ5 https://cnn.it/3Pv4v3d https://bit.ly/3OpUL9b https://bit.ly/3aYVxMw #المواطن_سعيد #بوتن #حرب_روسيا_واوكرانيا

With SocialCounts.org’s view counter, track your YouTube video’s live view count and YouTube likes count in real time with fast, reliable updates.

Watch every YouTube video live view count rise with our real-time YouTube views tracker—built for accuracy and minimal delay.

Follow YouTube real time views as they happen, using our dedicated view counter for YouTube videos.

Get up-to-date live view count on YouTube and see real-time growth with SocialCounts.org’s smart tracking tools.